3 ‘No. 1 most wanted’ timbog sa CIDG

MANILA, Philippines — Naaresto ng PNP-Criminal Investigation and Detection Group (CIDG) ang tatlong lalaki na pawang nakatala bilang “No.1 Most Wanted Criminals” sa magkakahiwalay na operasyon na bahagi ng “Oplan Pagtugis” ng pulisya sa tatlong lalawigan.

Kinilala ni CIDG Director Police Brig. Gen. Ro­nald Lee ang mga naaresto na sina Jonathan Cotelo Mandap sa lalawigan ng Pampanga; Mario Baquelta alyas “Mario Makosado Baquilta” sa Cebu, at Elmo Galus Gumalog sa Pozzurubio, Pangasinan.

Ang tatlo ay nadakip sa bisa ng mga warrant of Arrest para sa mga kasong rape at acts of lasciviousness.

Binati ni Lee ang mga operatiba sa matagumpay na pagsisilbi ng Arrest Warrant sa mga wanted na indibiduwal.

Ayon kay Lee, indikasyon lamang ito na hindi tinutulugan ng pulisya ang mga kaso na isinampa sa kanila.