Western Visayas dengue deaths nasa 54 na

BACOLOD CITY, Philippines — Umakyat na sa 54 katao ang nasasawi sa dengue sa Western Visayas at posibleng umabot ang kaso sa 10,000 sa susunod na ilang araw, ayon sa ulat ng Department of Health- Western Visayas.

Nabatid na nasa 651 ang bagong kaso ng dengue sa Western Visayas na umakyat na sa 9,533 ang kaso mula January 1 hanggang August 6 ngayong taon na ikinasawi ng 54.

Ang Negros Occidental ay patuloy na nangunguna sa rehiyon sa kaso ng dengue na nasa 3,345.Ang apat na bagong nasawi sa dengue ay mula sa Negros Occidental at Iloilo.

Batay din sa report ng DOH-WV na ang pagtaas sa 572 percent ng dengue cases sa region na 1,481 ay simula noong January 1 hanggang August ng nakalipas na taon na kung ikukumpara ngayong taon ay nasa 9,533 na.