Lalaking guro nakuryente, todas

SAN ANDRES, Quezon, Philippines — Patay ang isang lalaking guro sa elementarya makaraang makuryente sa loob ng kanilang bahay sa Barangay Pansoy ng bayang ito, kamakalawa ng hapon.

Kinilala ng pulis­ya ang biktima na si Reymart Espena, 24, may live in partner ng nasabing lugar.

Ayon sa imbestigasyon, iniaayos ng biktima ang wiring ng kuryente sa loob ng kanilang bahay, ala-1:30 ng hapon nang aksidenteng napahawak ito sa isang kable na walang balot ng electrical tape.

Kaagad nagkikisay ang biktima dahil sa lakas ng boltahe ng kuryente na pumasok sa kanyang katawan.

Mabilis itong isinugod sa Rural Health Center, subalit nalagutan ng hininga, alas-4:00 ng hapon.