Drug den sa Baguio ni-raid: 2 maintainers, 4 kustomer huli
BAGUIO CITY, Philippines — Sinalakay ng mga ahente ng Philippine Drug Enforcement Agency (PDEA at local police ang isang lodge na hinihinalang ginagawang drug den na ikinaaresto ng dalawang maintainers nito at apat umanong kustomer sa may Magsaysay Avenue, dito nitong Biyernes ng gabi.
Kinilala ni PDEA Cordillera director Gil Castro said, ang mga nadakip na suspek na sina Juvylyn Reca Plaza, 36, na residente malapit lang sa naturang drug den; ang kapwa niya therapist na si Mia Jane Noquilla Postre, 29, ng Brgy. Green Valley, Baguio City; mataderong si Joseph Castano, 48, isang pang massage therapist na si Paterson Anciano Domaino, 23, ng Brgy. Green Valley; gay beautician na si Ismael Galman Dipatuan, 36, ng Sablan, Benguet; at Rodel Sachez Buhay, 23, ng Balsigan, Baguio City.
Ayon kay Castro, nasa 20.4 gramo ng pinatuyong dahon ng marijuana, 3ml. ng liquid shabu at mga paraphernalia na gamit sa paghithit ng droga ang narekober ng mga awtoridad sa lugar.
Dagdag ni Castro, isinagawa ang raid bandang alas-7:15 ng gabi sa naturang lugar matapos na makupirma ang ilegal na aktibidad sa pagbebenta ng ipinagbabawal na gamot hanggang sa madiskubre ang drug den.
Hindi pa binanggit ni Castro kung sino sa mga suspek ang dalawa umanong nagsisilbing maintainers at customers sa drug den.
- Latest
