P9.4 milyong jackpot sa lotto nasolo ng taga-Cavite
MANILA, Philippines — Solong nakuha ng isang taga-Cavite ang mahigit P9.4 milyong jackpot prize ng lotto 6/42 sa katatapos na draw nitong Huwebes ng gabi.
Ayon sa Philippine Charity Sweepstakes Office (PCSO), nabili ng lucky bettor sa isang outlet sa Amadeo, Cavite ang winning ticket nito para sa 6/42 lotto number combination na 33-31-13-41-25-18 na may premyong P9,423,997.80.
May 13 katao naman ang tatanggap ng tig-P24,000.00 makaraang makuha ang lima sa anim na winning combination.
Wala namang nakakuha sa kasabay na draw na Superlotto 6/49 na may winning combination na 08-17-35-28-09-34 at may jackpot prize na P57,395,261.60, pero 20 katao naman ang tatanggap ng tig-P50,000.00 nang makuha nila ang limang numerong winning combination.
- Latest