P4 milyong puslit na sigarilyo nasabat, 3 ‘smuggler’ huli sa Zamboanga
MANILA, Philippines — Umaabot sa P4 milyong halaga ng sigarilyo ang nasabat sa ikinasang joint operation ng mga operatiba ng Philippine National Police (PNP), Philippine Air Force at Bureau of Customs (BOC) matapos ipuslit sa Cabatangan, Zamboanga City kamakalawa.
Ayon kay PNP Officer-in-Charge Lt. General Vicente Danao Jr., nadakip ang tatlong pinaghihinalaang smuggler sa operasyon na kinilalang sina Khan Adin, Aldin Sabtal, at Benshariff Bari.
Nakuha sa tatlong suspek ang nasa 121 master cases ng smuggled Fort cigarettes na nagkakahalaga ng 4.2 milyong piso, na nakatago sa isang orange Isuzu Elf closed van.
Dagdag ni Danao, ang matagumpay na operasyon ay resulta ng mahusay na intelligence gathering ng PNP, at kooperasyon ng mga kinauukulang ahensya.
- Latest