Pulis bulagta sa sariling boga
CAMP VICENTE LIM, Laguna, Philippines — Patay ang isang pulis matapos na aksidenteng pumutok ang kanyang service firearm at tumama ang bala sa katawan nito sa Alfonso, Cavite noong Huwebes ng umaga.
Kinilala ng Alfonso Police ang nasawing kabaro na si Corporal Steve Eduardo Rollon, nakatalaga sa Dasmariñas City Police Station.
Si Rollon ay idineklarang dead-on-arrival sa Poblete Hospital dahil sa tinamong tama ng bala sa tiyan na tumagos sa kanyang puso.
Lumalabas sa imbestigasyon na habang nililinisan ng biktima ang kanyang cal. 9mm pistol nang biglang aksidenteng makalabit nito ang gatilyo sa Barangay Upli, bandang alas-8 ng umaga.
Nagpapatuloy ang imbestigasyon ng pulisya upang matukoy kung may foul play sa insidente.
- Latest