Mister nadulas, swak sa bangin, tigok
CAVITE, Philippines — Wala nang buhay nang matagpuan ang katawan ng biktima sa may ibaba ng bangin na hinihinalang nadulas ito at tuluyang nahulog kamakalawa ng hapon sa Brgy. San Francisco Gen. Trias Cavite.
Ang biktimang kinilala ng pulisya ay si Mack Espiritu, 30-anyos, residente ng Brgy. San Francisco, Gen. Trias City.
Sa imbestigasyon ni P/Staff Sgt. Cristopher Dumlao, may hawak ng kaso, alas 12--umano ng tanghali nang magpaalam ang biktima sa misis nito na pupunta lamang sa kaniyang kamag-anak na nakatira sa kabilang ilog .
Malamang umanong nadulas ang biktima habang naglalakad at tuluyang nahulog sa matarik na bangin.
Gabi na nang matagpuan ang katawan ng biktima sa ibabang bahagi ng bangin.
- Latest