Depektibong VCMs pahirap sa voters sa Quezon

LUCENA CITY, Philippines, Philippines — Mga depektibo at hindi gumaganang Vote Counting Machines (VCMs) ang kinaharap na problema ng mga botante sa ilang bayan at lungsod sa lalawigan ng Quezon kaugnay ng idinaos na National at Local Elections kahapon.

Sa ulat na tinanggap ng Quezon Provincial Comelec, dakong alas-12:00 ng tanghali kahapon ay limang barangay sa lungsod ng Lucena ang nagkaproblema ang VCM sa pamamagitan ng paper jam error.

Hindi gumana ang dalawang mga VCM sa barangay Hinguiwin, Padre Burgos, Quezon, isa sa Macalelon, isa sa San Francisco, isa sa Guinayangan, at isa sa San Andres, Quezon.

Dahil sa depektibong mga VCM ay naapektuhan ang mabilis sanang daloy ng pagboto ng mga botante bagama’t makalipas ang halos kalahating oras ay naremedyuhan naman ng COMELEC ang problema.