Magnitude 6.2 na lindol yumanig malapit sa Davao Oriental — Phivolcs
MANILA, Philippines — Inuga ng malakas-lakas na magnitude 6.2 na lindol ang katubigan silangan ng kapuluan ng Mindanao, Martes, ayon sa ulat ng Philippine Institute of Volcanology and Seismology (Phivolcs).
Bandang 9:23 a.m. nang tumama ang earthquake 57 kilometro timogsilangan ng Manay, Davao Oriental. Una nang inanunsyong magnitude 5.9 lang ito ngunit tinaasan kalaunan.
#EarthquakePH #EarthquakeDavaoOriental#iFelt_DavaoOrientalEarthquake
— PHIVOLCS-DOST (@phivolcs_dost) April 19, 2022
Earthquake Information No.3
Date and Time: 19 April 2022 - 09:23 AM
Magnitude = 6.2
Depth = 018 km
Location = 07.09°N, 127.04°E - 057 km S 77° E of Manay (Davao Oriental)https://t.co/YeBHR82dhg pic.twitter.com/GGegGtClkU
Naranasan ang sumusunod na "intensities" kaugnay ng naturang pagyanig, na may tectonic origin:
Intensity IV (moderately strong)
- Manay, Tarragona at Lupon, Davao Oriental
- Hinatuan, Surigao Del Sur
- Mati City
- Bislig City
Intensity III (weak)
- Don Marcelino, Davao Occidental
- Cateel at Baganga, Davao Oriental
- Tandag City, Surigao Del Sur
- Davao City
Intensity II (slightly felt)
- Bansalan, Davao Del Sur
Intensity I (scarcely perceptible)
- Matalam, Cotabato
Matatandaang sinabi ng state volcanologists kanina na inaasahan ang ilang pinsala dulot ng naturang lindol.
Sa kabila nito, wala nang expected damage buhat ng nabanggit na insidente ngunit inaasahan pa rin ang mga aftershocks o mga kasunod na mas mahihinang lindol sa parehong lugar.
Wala namang inilabas na banta ng tsunami sa naturang lugar kahit na nangyari ang lindol sa katubigan. — James Relativo
- Latest
