Turista, stude timbog sa P2.7 milyon ‘damo’
TABUK CITY, Kalinga, Philippines — Isang turista at isang estudyante ang nakumpiskahan ng mahigit sa P2.7 milyon na halaga ng marijuana matapos masakote sa magkahiwalay na operasyon sa Cordillera, kamakalawa.
Kinilala ng pulisya ang mga nadakip na suspek na sina Rosendo Don Tadeo, 24, isang lokal na turista mula sa Quiapo, Manila at Jeboy Amangan, 22, residente ng Agbannawag, Tabuk City.
Nasakote si Tadeo habang bitbit ang tatlong backpack na puno ng marijuana bricks na may timbang na 13.021 kilo na nagkakahalaga ng P1.5 milyon sa bahagi ng Sepulcher Street, Brgy. Poblacion, Bontoc.
Samantala, dinakip ng mga pulis ang suspek na si Amangan sa ikinasang buy-bust operation sa Sitio Pakak, Agbannawag, Tabuk City.
Nakuha sa estudyanteng suspek ang nasa 10 bricks ng marijuana leaves at stalks na may bigat na 10,000 gramo at nagkakahalaga ng P1.2 milyon at karagdagan na 50 gramo na dried marijuana leaves at stalks na umaabot naman sa P6,000 ang halaga.
- Latest