‘Tulak’ sa Lucena, huli sa P.4 milyong shabu
LUCENA CITY, Quezon, Philippines — Nalambat ng mga operatiba ng Provincial Drug Enforcement Unit-Quezon Provincial Police Office (PPO), Lucena City Police Station at Philippine Drug Enforcement Agency (PDEA) ang isang hinihinalang tulak ng iligal na droga at nakumpiskahan ng mahigit sa P400,000 halaga ng shabu sa Purok Narra Immaculada, Brgy. Isabang ng lungsod na ito nitong Lunes.
Kinilala ni PLt.Col.Reynaldo Reyes, chief of police dito ang nadakip na suspek na si Ronaldo ‘Nonoy’ Rodriguez, 42 taong gulang, walang trabaho, may asawa, at residente ng Barangay Mayao Crossing.
Naaresto ang suspek matapos nitong bentahan ang police poseur buyer ng shabu na nasa plastic sachet na may timbang na 19.71 gramo at nagkakahalaga ng P402, 084.00. Nakuha rin sa kanya ang isang sling bag at Rusi 150 motorcycle na ginagamit nito sa kanyang ilegal na transaksyon.
Nahaharap si Rodriguez sa paglabag sa Section 5 at 11 ng Article II ng R.A. 9165 o Comprehensive Dangerous Drugs Act of 2002.
- Latest
