13-anyos ni-rape ng kapitbahay sa Bulacan
PULILAN, Bulacan, Philippines — Kalunus-lunos ang sinapit ng 13-anyos na dalagita matapos himatayin sa takot at halayin ng stay-in driver na kapitbahay sa isang bakanteng lote sa Brgy. Lumbac ng nasabing bayang ito kamakalawa ng hapon.
Kinilala ni PCol. Rommel Ochave, acting Bulacan police director ang naarestong suspek na si Johnler Cruz, 35-anyos, binata ng Brgy. Lumbac ng nasabing bayan habang ang biktima ay itinago sa pangalang Cathy, Grade 8 student ng Pulilan, Bulacan.
Sa ulat, dakong alas 2:00 ng hapon nang maganap ang panghahalay sa biktima. Lumabas lang ng kuwarto ang biktima para umihi at nang makarinig ng sipol, doon ay biglang bumulaga sa harapan nito ang hayok na suspek. Agad siyang dinakma at tinutukan ng kutsilyo sa leeg dahilan para himatayin ang biktima.
Nagkamalay ang latang-lata na biktima sa isang bakanteng lote sa Brgy. Lumbac na umano’y wala nang saplot pang-ibaba. Nang makauwi, isinumbong ng biktima ang nangyari sa kanyang kaanak na siyang dumulog sa pulisya kaya nahuli ang suspek kalaunan.
- Latest