Magsasaka utas sa road rage
SAN JOSE CITY, Nueva Ecija, Philippines — Idineklarang dead on arrival ang isang 40-anyos na lalaki makaraang barilin at takbuhan ng isang lalaking kanyang nakaaway sa trapiko sa may Sitio Cumabol, Zone 7, Barangay Caanawan ng lungsod na ito, kamakalawa ng gabi.
Ang nasawi dahil sa tama ng bala sa dibdib ay nakilalang si Arsenio Rivera Jr., 40, may-asawa, magsasaka ng Zone 6, Barangay Caanawan.
Inaalam pa ng pulisya ang pagkakakilanlan ng tumakas na suspek na drayber ng traysikel.
Nabatid sa ulat na sakay ang biktima ng kanyang single na motorsiklo, na may plakang BO-75485,alas-8:20 ng gabi at angkas umano nito ang dalawang kaibigan na lalaki at naipit umano sa trapiko.
Sa puntong iyon ay nakasagutan umano ni Rivera Jr., ang suspek na may sakay umanong isang babae at sa hindi pa malinaw na kadahilanan ay nagtalo ang mga ito bumunot ng isang short firearm ang huli at ilang beses na pinaputukan ang biktima.
- Latest
