11-anyos nahulog sa balon, patay
PITOGO, Quezon, Philippines — Isang 11-anyos na batang lalaki ang nasawi nang mahulog sa balon habang sumasalok ng tubig sa Brgy. Soliyao ng bayang ito,ayon sa pulisya.
Kinilala ang nasawi na si Jun Jun Madridano, na nahulog sa balon na 22 talampakan na lalim sa nasabing barangay noong Pebrero 28.
Batay sa ulat ng pulisya, pasado alas-11:00 ng umaga ay sumasalok ng tubig ang biktima sa nasabing balon na malapit sa kanilang bahay para gamitin pampaligo.
Habang sumasalok ay nadulas ito at deretsong nahulog sa balon at nalunod.
Rumesponde sa lugar ang isang rescue team upang sagipin ang bata,subalit patay na ito nang maiahon.
- Latest