Baguio City, nag-donate ng P5 milyon sa Odette victims
BAGUIO CITY, Philippines — Maging ang pamahalaang lungsod ng Baguio ay mabibigay ng P5 milyong financial assistance na hahatiin para sa 44 na bayan at siyudad na sinalanta ng bagyong Odette sa Visayas at Mindanao.
Sa idinaos na special session ng Baguio City Council, inaprubahan ang isang ordinansa na naglalaan ng naturang tulong pinansyal mula sa City Disaster Risk Reduction and Management Office’s Quick Response Fund ng 2021 annual budget ng lungsod. Ang Local Finance Committee ay nakapagpalabas na ng “certificate of availability of funds” para sa nasabing financial aid.
Ang mga local government units (LGUs) na mabibigyan ng tig-P100,000 ay ang Libertad, Antique; Tibiao, Antique; President Roxas, Capiz; Dao, Capiz; Banate, Iloilo; Lemery, Iloilo; Balasan, Iloilo; Valladolid, Negros Occidental; Sagay, Camiguin; Anda, Bohol; Maribojoc, Bohol; Candijay, Bohol; San Julian, Eastern Samar; Maslog, Eastern Samar; Lawaan, Eastern Samar; Maydolong, Eastern Samar; Mercedes, Eastern Samar; General MacArthur, Eastern Samar; Balangiga, Eastern Samar; Sulat, Eastern Samar; Tagapul-an, Samar; Liloan, Southern Leyte; Anahawan, Southern Leyte; Hinundayan, Southern Leyte; Saint Bernard, Southern Leyte; Santiago, Agusan del Norte; Magallanes, Agusan del Norte; Gigaquit, Surigao del Norte; Placer, Surigao del Norte; Socorro, Surigao del Norte; Tagana-an, Surigao del Norte; Alegria, Surigao del Norte; Mainit, Surigao del Norte; San Isidro, Surigao del Norte; Surigao City (Siargao), Surigao del Norte; San Agustin, Surigao del Norte; Carmen, Surigao del Norte; at Carrascal, Surigao del Norte.
Makatatanggap naman ng P200,000, ang mga LGUs ng Buruanga, Aklan; Sigma, Capiz; Silago, Southern Leyte; Kitcharao, Agusan del Norte; Bacuag, Surigao del Norte; at Malimono, Surigao del Norte.
Sinabi ni City Disaster Risk Reduction and Management office (CDRRMO) chief Antonette Anaban na ang nasabing mga halaga ay binase sa bilang ng mga apektadong pamilya at nasirang mga kabahayan sa nasabing mga lugar at kanilang income classifications.
Inabisuhan din ng city government ang publiko na nagnanais na magbigay ng tulong sa mga biktima ng bagyo na idiretso ito City Social Welfare and Development Office (CSWDO), kasabay ng pasasalamat sa Hotels and Restaurant Association of Baguio at tagapangulo nito na si Anthony de Leon dahil sa ibinigay na donasyon na relief goods.
- Latest
