Most wanted’ timbog sa Zambales
IBA, Zambales, Philippines — Arestado ang dalawang “most wanted persons” (MWPs) sa lalawigang ito matapos ang ikinasang magkahiwalay na manhunt operation ng Zambales Police kamakalawa ng umaga.
Nakilala ang mga naaresto na sina John Dumapit, 50-anyos, binata, security at Christian Meva, 34-anyos, tricycle driver, binata; pawang residente ng naturang lalawigan.
Sa ulat ng pulisya, nagkasa ng manhunt operation ang Iba Municipal Police Station laban kay Dumapit makaraang mag-isyu ng warrant of arrest si Judge Marifi Chua ng Regional Trial Court Branch 70 ng Iba, Zambales noong Enero 18, 2017.
Kamakalawa naman ng umaga nang maaresto si Meva sa bisa rin ng warrant of arrest na inisyu ni Judge Consuelo Amog-Bocar, Presiding Judge ng Third Judicial Region, Regional Trial Court Branch 71 sa Iba, Zambales na may petsang Disyembre 6, 2021. Ang mga naarestong MWPs ay nakakulong na sa himpilan ng pulisya sa Iba at Sta. Cruz para sa kaukulang dokumentasyon.
- Latest