17 kilohan na may daya kinumpiska
OLONGAPO CITY, Philippines — Aabot sa 17 kilohan ang kinumpiska ng puwersa ng West Bajac-Bajac Public Market, Bureau of Fisheries and Aquatic Resources, Department of Trade and Industry at Business Permit and Licensing Office dahil sa hindi sakto sa timbang sa mga ibinebentang produkto sa pamilihan sa lungsod na ito kamakalawa ng hapon.
Ang naturang hakbang ay bunsod ng sunod sunod na reklamo ng mga namimili dahilan upang kanilang ipagbigay alam sa pamunuan ng nasabing pamilihan ang pandaraya umano sa kilohan ng ilang mga vendors.
Sa isinagawang operasyon ay nabatid na depektibo at hindi rehistrado ang naturang mga kilohan.
Nasa pangangalaga ng lokal na pamahalaan ang naturang mga kilohan na kung saan ay kinakailangang dumaan ang lahat ng mga timbangan sa calibration bukod pa sa kaukulang multa na ipapataw sa mga inirereklamong vendor.
- Latest