Magdyowa timbog sa P.4 milyong shabu
LUCENA CITY, Philippines — Kulungan ang binagsakan ng mag-live in partner na kabilang sa talaan ng mga bagong personalidad na sangkot sa illegal drug trade makaraang malambat sa anti-drug operation ng pulisya sa C.M Recto St., Barangay 4 ng lungsod na ito, nitong Sabado.
Kinasuhan na ng paglabag sa R.A. 9165 o Comprehensive Dangerous Drugs Act of 2002 ang mga suspek na kinilalang sina Christian Pureza, 27 at Shiela Mae Villena, 52, mga residente sa nasabing lugar.
Ayon sa ulat ni P/Col. Joel Villanueva, director ng Quezon Police Provincial Office (QPPO), isinagawa ng mga operatiba ng Quezon Police-Drug Enforcement Unit ang buy-bust operation laban sa naturang mister at kinakasamang babae sa naturang lugar dakong alas-8:05 ng umaga.
Nakumpiska sa mga suspek ang hinihinalang shabu na tumitimbang ng 23.2 gramo at nagkakahalaga ng P473,280.00, at P500 marked money na ginamit sa buy-bust.
- Latest
