P600 milyong smuggled goods nasabat sa Cavite
MANILA, Philippines — Aabot sa P500-P600 milyong halaga ng iba’t ibang produkto na hinihinalang mga ‘smuggled’ ang nasabat ng Bureau of Customs (BOC) sa isang bodega sa Tanza, Cavite.
Sa ulat kahapon ng BOC, tinatayang nasa P500 milyon hanggang P600 milyon ang kabuuang halaga ng mga nasabat na produkto sa isang bodega sa No. 9172 Antero Soriano Hi-Way, Brgy. Mulawin, Tanza, Cavite.
Kabilang sa mga nakumpiska ng mga tauhan ng Customs Intelligence and Investigation Service Field Office (CIIS) at Enforcement and Security Service seized (ESS) kabilang ang mga pagkain at inuming produkto at medical masks.
Kasama sa operasyon ang mga tauhan ng National Bureau of Investigation (NBI) at Philippine Coast Guard (PCG).
Armado ng Letter of Authority (LOA) mula kay BOC Commissioner Rey Leonardo Guevarra, natuklasan ang mga damit, sapatos, bags, at sandals ng mga internasyunal na brands; Chinese iced tea, beers at sodas; at medical grade face masks.
Tinukoy ni Guevarra ang mga nasa likod ng distribusyon ng smuggled na produkto na sina Chinese Nationals Anna Ty at Willy Zhang.
Patuloy ang imbestigasyon ukol sa naturang mga iligal na produkto habang inihahanda ang pagsasampa ng kasong paglabag sa Section 1114 ng RA10863 o Customs Modernization and Tariff Act (CMTA) sa mga sangkot dito.
- Latest
