4 lider ng NPA, 3 tauhan sumuko
MANILA, Philippines — Boluntaryong sumuko sa mga awtoridad ang apat na lider ng mga rebeldeng New People’s Army (NPA) at tatlong tauhan nito sa magkakahiwalay na lugar sa Ilagan City, Isabela at Nueva Vizcaya, kamakalawa.
Kinilala ni Major Jekyll Julian Dulawan, spokesman ng Army’s 5th Infantry Division (ID) ang mga nagsisukong sina alyas Ka Nethan, 29, Squad Leader; alyas Ka Gerber, 26, Squad Vice Leader; alyas Ka Jazzel, 27; pawang ng Squad Uno; alyas Ka Rey, 27, Team Leader ng Squad Dos; alyas Ka Rod, 51 ng Squad Tres; pawang ng Regional Sentro de Grabidad ng Regional Operations Command under Komiteng Rehiyon-Cagayan Valley (KR-CV).
Samantala sa Nueva Vizcaya, sumurender din si alyas Ka Rod, Medical Officer ng West Front Committee, Komiteng Probinsya (KOMPROB) Cagayan sa PNP-Region 2 at National Intelligence Coordinating Agency (NICA).
Ayon kay Julian, nagdesisyong sumuko ang apat na lider at tatlo nilang miyembro matapos na mapagtanto na mali ang idelohiyang kanilang ipinaglalaban.
Pagod na rin umano ang mga ito sa hirap at gutom na tinitiis sa kabundukan.
Isinurender din ng mga ito ang kanilang mga armas na kinabibilangan ng isang Elisco M16 rifle, isang Bushmaster M16 rifle, isang M16 A1 rifle na may maikling magazine at may 15rounds ng bala gayundin ang isang cellphone.
Kasalukuyan nang sumasailalim sa masusing tactical interrogation ng tropa ng militar ang mga sumukong rebelde.
- Latest
