4 drug pusher timbog sa higit P40 milyong shabu
BACOOR CITY, Cavite , Philippines — Nadakip ng mga otoridad ang 4 na hinihinalang bigtime pusher/dealer ng shabu sa magkasunod na buy- bust operation sa dalawang barangay ng lungsod na ito, kamakalawa.
Kinilala ang mga suspek na sina Kamarudin Unsay Abdulwahid; Nasrudin Abdul Mamogkat, kapwa nasa hustong gulang at residente ng Block 2, Lot 16 Katherine Town Homes, Molino III ng lungsod; Asban Konakon Sakandal; at Jerry Mamugat Sangkala, kapwa nasa hustong gulang at residente ng Brgy. Molino 4.
Sa ulat, nagkasa ng magkasunod na buy-bust operation ang pinagsanib na puwersa ng PDEA RO IV-A, Team RSET, Cavite PPO at Bacoor CPS sa Brgy. Molino 3 at 4.
Unang operasyon, alas-11:30 ng umaga ay naaresto ang mga suspek na sina Sakandal at Sangkala sa Molino Vallejo Wet and Dry Market, Brgy.Molino 4 kung saan nakuhanan ng mahigit sa 500 gramo ng shabu na aabot sa mahigit kumulang sa P3.4 milyon.
Ang ikalawang buy-bust ay ikinasa, dakong alas-2:50 ng hapon sa Molino 3, kung saan naaresto sina Abdulwahid at Mamogkat sa kanilang bahay sa Block 2, Lot 16 Katherine Town Homes at nakuhanan nang mahigit sa 5 kilo ng shabu na aabot sa P36 milyon.
- Latest