Mag-asawang senior, patay sa sunog
MANILA, Philippines — Dahil sa napabayaang kandila, patay ang mag-asawang senior citizen nang masunog ang kanilang bahay kamakalawa ng gabi sa Maramag, Bukidnon.
Ayon kay Maramag Police Station commander Lt Col Julius Clark Macariola, ang mga biktima ay nakilalang sina Fedencio, 89 at Condrada Joromat, 83, kapwa residente sa Purok 15, CMU-Musuan, Brgy. Dologon, Maramag, Bukidnon.
Lumilitaw sa imbestigasyon na dakong alas-9:00 ng gabi nang mawalan ng kuryente sa bahay ng mag-asawa kaya gumamit na lamang pansamantala ng kandila.
Subalit, makalipas ang ilang oras, laking gulat na lamang ng mga apo ng mag-asawa na lumiliyab na ang buong kabahayan kaya unang pinalabas ng bahay ng mag-asawa ang mga bata.
Sa bilis ng pagkalat ng apoy, hindi na nagawa pang makalabas ng mag-asawa at nakasama ang mga itong nasunog.
- Latest