Ipo dam nagpakawala na ng tubig dahil kay ‘Jolina’

MANILA, Philippines — Nagpakawala na ng tubig ang Ipo dam sa Bulacan matapos na tumaas ang lebel nito dulot ng walang puknat na pag-uulan na dala ng bagyong Jolina. 

Ayon sa PAGASA, dulot ng mga pag-ulan,  umabot na sa 101.23 meters ang water level sa dam o lampas na sa spilling level na 101 meters kaya’t nagpakawala na ng tubig ang Ipo Dam Management . 

Alas-8 ng umaga nagsimulang magpakawala ng tubig ang Pag Asa sa Ipo dam ng may 55 cms.

Pinapayuhan ang mga residenteng nakatira sa mababang lugar malapit sa Angat riverbank tulad sa  Norzagaray, Angat, San Rafael, Bustos, Baliuag, Pulilan, Plaridel at  Hagonoy na maging alerto dahil sa patuloy na pagpapakawala ng tubig sa dam dahil sa patuloy na pagtaas ng water level ng dam dala ng patuloy na pag-ulan doon.