Centenarian sa Quezon kinilala

LUCBAN, Quezon , Philippines — Binigyang pagkilala ng lokal na pamahalaan ng bayang ito ang isang natatanging Lukbanin na nagdiwang ng kanyang ika-100 taon noong buwan ng Hunyo.

Si Lola Severina Nano-Cada ay ipinanganak noong Hunyo 8, 1921 sa naturang bayan at ikinasal siya kay G. Teodoro Cada noong 1939 kung saan nagkaroon sila ng 15 mga anak.

Pinangunahan ni Ma­yor Celso Olivier Dator ang paggawad ng Sertipiko ng Pagkilala at insentibong P100,000.00 mula sa DSWD Regional Office kasama ang P20,000.00 mula sa Provincial Office, at P10,000.00, bulaklak, medalya at regalo mula sa lokal na pamahalaan.