Tserman sa Bangued, Abra itinumba
BAGUIO CITY, Philippines — Naliligo sa sariling dugo ang isang barangay chairman nang matagpuan ng mga awtoridad matapos siyang pagbabarilin ng ‘di kilalang salarin sa Bangued, Abra kahapon ng umaga.
Kinilala ng napaslang na si Brgy. Lubong, Bangued chairman Robert Villastiqui, na bibili lang sana ng sigarilyo sa isang tindahan sakay ng motorsiklo nang siya ay paulanan ng bala ng suspek.
Ang kapitan ng nasabing barangay na kilalang kaalyado nina Bangued Mayor Dominic Valera at Governor Ma. Jocelyn Valera-Bernos ay nagtamo ng maraming tama ng bala sa iba’t ibang bahagi ng kanyang katawan sanhi ng agaran nitong pagkasawi.
Ayon sa mga nakasaksi sa insidente, matapos ang pamamaril ay nakita nila ang suspek na nakasuot ng pulang long sleeve shirt, black short pants at ball cap, na naglakad lang patakas patungo sa direksyon ng provincial road ng Casili East, Bangued.
- Latest
