Top 1 ‘most wanted’ ng Talavera, nalambat
TALAVERA, Nueva Ecija, Philippines – Bumagsak na sa kamay ng pulisya ang isang 23-anyos na lalaki na sinasabing “Top 1 most wanted person (MWP)” sa bayang ito matapos masukol sa kanyang pinagtataguan sa Barangay Malasin, Sto. Domingo ng lalawigang ito, kamakalawa ng umaga.
Ayon kay P/Lt. Col. Heryl Bruno, hepe ng pulisya rito, nadakip ng sanib-puwersang operatiba ng Talavera Police at Police Intel Unit ng Nueva Ecija ang MWP na kinilalang si Ronaldo San Antonio, binata ng Barangay Campos, dito,
Ang suspek na may kasong rape ay natunton ng mga operatiba sa nasabing lugar na katabing-bayan lang ng bayang ito.
Hinuli ang suspek sa bisa ng warrant of arrest na walang inirekomendang piyansa na inilabas ni Judge Anarica Castillo-Reyes ng RTC Branch 88, Baloc, Sto. Domingo, Nueva Ecija.
- Latest
