P28 milyong marijuana sinunog sa Kalinga
TABUK CITY, Kalinga, Philippines — Nasa P28 milyon na halaga ng mga marijuana ang winasak at sinunog ng mga awtoridad sa isang plantasyon sa Barangay Loccong, bayan ng Tinglayan sa lalawigang ito kamakalawa.
Ayon sa ulat ng Tinglayan Police sa Kalinga Provincial Police Office (KPPO), umaabot sa 110,000 puno ng fully grown marijuana plants na nakatakdang anihin ang binunot at tinatayang nasa P22 milyon ang halaga nito ang winasak sa 5,500 square meters na marijuana plantation sa nasabing lugar.
Umabot naman sa 50,000 gramo na mga naaning marijuana stalks na nagkakahalaga naman sa P6 milyon ang sinunog din ng pinagsanib na puwersa ng KPPO, Philippine Drug Enforcement Agency (PDEA) at Tinglayan PNP bilang bahagi pa rin ng isinagawang OPLAN 16 wacky ng pulisya.
Ang magkakasunod na pagwasak sa milyun-milyong halaga ng marijuana plantation sa Kalinga ay resulta umano ng ng tuluy-tuloy na police and community partnership activities na ipinatupad sa lahat ng drug affected barangays sa nabanggit na lalawigan.
- Latest