Droga pinade-deliver sa Lalamove, tiklo
CAVITE, Philippines — Dahil sa nakaramdam ng alanganin at paghihinala ang isang Lalamove driver, palihim nitong chineck ang items na ipinade-deliver sa kaniya patungo ng Makati City mula sa Brgy. Panapaan 8 Bacoor Cavite, kamakalawa ng gabi.
Hindi nagkamali ang hinala ng Lalamove rider na nakilalang si Nyl Gabriel Bandalan, 20-anyos ng Bacoor City matapos na makumpirmang Droga nga ang laman ng kaniya sanang idedeliver.
Sa pahayag ni Bandalan kay Pat. Marco Romero Cupo, may hawak ng kaso, may nag-booked umano ng delivery item patungo ng Makati City na kaniyang pinickup.
Alas-7:07 ng gabi nang mag-booked sa Lalamove apps ang isang ‘di nagpakilalang lalaki na may cellphone number na 0938-622-0166. Agad umanong ini-accept ni Bandalan sa apps at pinuntahan ang address ng magpapa-deliver sa Kakawate St., Meadowood Village, Brgy. Panapaan 8, Bacoor City.
Pagdating sa lugar ni Bandalan, agad siyang kinausap ng nagpa-booked na hindi na pinabanggit ang pangalan na nakasuot ng black t-shirt at pants at sinabi sa rider na mga damit ang laman ng parcel na ide-deliver nito sa isang babae na nagngangalang Eunice Z. ng The Rise Makati sa Brgy. Malugay, Makati City na may cellphone number na 0955-904-0346.
Agad na umanong umalis ang lalaki subalit biglang kinutuban ang rider hinggil sa nakipag-meet lang sa kanya ang lalaki sa sinabing lugar at hindi mismo sa bahay nito. Bunsod nito, kinapa muna ng courier ang nakabalot na items at may nakapa umano siya na isang matigas na bagay. Dito na niya sinilip ang loob ng parcel at may nakita siyang isang playing cards na ibinalot sa mga damit.
Agad na kinabahan ang Lalamove driver at mabilis na nagtungo sa pinakamalapit na himpilan ng pulisya. Nang kanilang buksan ang nasabing box ng playing cards ay dito nadiskubre ang isang plastic sachet na naglalaman ng shabu.
- Latest