Pamilya ng 1 sa 2 nasawi sa Laguna ops, umatras sa kaso

MANILA, Philippines — Inatras na ng pamilya ng drug suspect na si Antonio Dalit alyas “Tala” ang kaso laban sa mga tauhan ng Laguna Police na nakapatay sa kanilang kaanak at sa isa pang  menor-de-edad.

Ayon kay PNP chief Gen. Guillermo Eleazar, hindi na interesado ang kapatid ni Dalit na si Lydia na ituloy pa ang reklamo laban sa mga pulis na nakapatay sa kanyang kapatid kamakailan.

Ani Eleazar, aminado si Lydia na sangkot ang kanyang  kapatid  sa  bentahan ng ilegal na droga dahil kilala umano ito sa kanilang  lugar na “tulak”.

Lumilitaw sa resulta ng autopsy report ng Regional Crime Laboratory sa CALABARZON, walang nakitang anumang bakas ng posas sa katawan nina Dalit at Helis maliban sa tama ng bala ng baril.

Taliwas sa alegasyon ng pamilya ng teenager na pinosasan muna ang dalawang biktima bago barilin ng mga pulis.