Bahagi ng chopper, lumutang sa Batanes
TUGUEGARAO CITY, Cagayan, Philippines, Philippines — Isang hinihinalang bahagi ng eroplano ang natagpuang lulutang-lutang sa baybaying sakop ng Barangay Radiwan, Ivana sa Batanes kahapon.
Batay sa ulat ni P/Col. Ismael Atluna, police pirector ng lalawigan ng Batanes, unang natagpuan ng mangingisdang si Rodolfo Javier, ang parte ng eroplano subalit hindi maintindihan ang mga markings nito dahil sa nakasulat ito sa Chinese character.
Nakita umano ang parte ng eroplano na may 6-metro ang haba at 2-metro ang taas sa dagat na malapit sa Radiwan port.
Naging palaisipan sa pulisya kung saan galing ang nasabing bagay dahil sa wala naman umano silang namonitor na bumagsak na eroplano nitong nakalipas na mga araw lalo sa nasasakupan ng Batanes maliban sa nangyari sa Tarlac kung saan may anim ang patay.
Dahil dito, ipinasakamay ng Batanes Police ang nakitang parte ng eroplano sa Aviation Security Group (Avsegroup) ng Batanes para sa mas malalim na pagsisiyasat. Aalamin kung ang nakuhang bahagi ng sasakyang panghimpapawad ay bahagi ng bumagsak na chopper.
- Latest