14 patay sa COVID-19 sa Region 12

NORTH COTABATO, Philippines — Abot sa 14 katao ang nasawi sa Rehiyon 12 matapos tamaan ng COVID-19, ayon sa pinakahuling ulat ng Department of Health (DOH)-Region 12.

Sa 14 na nasawi, isa ay mula sa Carmen, North Cotabato, dalawa sa Midsayap, dalawa sa Tulunan, apat sa Mlang, isa sa Antipas at isa sa Kabacan, pawang sa North Cotabato habang tatlo naman sa General Santos City.

Napag-alaman sa ka­ramihan sa mga nasawi ay edad 52 hanggang 68 at dati na ring may mga iniindang sakit at napalala lalo nang kapitan sila ng COVID-19.

Dahil dito, umakyat na ngayon sa 522 ang kabuuang namatay sa COVID-19 sa nasbaing rehiyon.