Manager ng security agency, utas sa ambush
GEN. SANTOS CITY, North Cotabato, Philippines — Isang 37-anyos na manager ng isang security agency ang nasawi nang ito ay pagbabarilin habang sakay ng kanyang sasakyan kamakalawa ng gabi sa Purok 5, Intake, Barangay Mabuhay ng lungsod.
Kinilala ang nasawi na si Demar Santos, manager ng Global Dynamic Security Agency at residente ng Purok Kaunlaran, Barangay San Isidro ng lungsod.
Sa ulat, alas-6:00 ng gabi ay minamaneho ng biktima ang Strada pick-up at binabaybay ang nasabing lugar nang pagbabarilin ng hindi pa nakikilalang suspek na agad nitong ikinamatay.
Inaalam pa ng pulisya kung may kaugnayan sa krimen ang naganap na pagpatay sa kasama ng biktima na si Yentez Quintoy noong Hunyo 4, 2021 na kung saan ay nahuli ang suspek na si Ralph Sorabia alyas Raprap, 27,ng Waling Waling Sagun Vincenzo, Zamboanga del Norte.
- Latest