2 katao, nilamon ng ilog
TUMAUINI, Isabela, Philippines — Dalawang katao kabilang ng isang 11-anyos na bata ang patuloy na pinaghahanap matapos malunod sa ilog ng Fugu, Abajo sa bayan na ito kamakalawa.
Kinilala ng pulisya ang mga biktima na sina Jayson Buraga, 11, Grade 6 at residente ng Barangay Fermeldy at Peter Baguno, 42, residente ng Barangay Cañogan,Sto.Tomas sa lalawigang ito.
Sa imbestigasyon ng pulisya, alas-11:00 ng umaga ay unang nalunod si Buraga kung kaya’t agad sumaklolo si Baguno, subalit maging siya ay nilamon din ng malakas na agos ng ilog.
Agad nagsagawa ng search and rescue ang mga miyembro ng Bagong PAG-ASA Rescue Group, Rescue 811 ng Tumauini at iba pang mga indibiduwal,subalit nabigo silang matagpuan ang dalawang biktima.
- Latest