20 inmates sa Gensan, nagpositibo sa COVID-19
GENERAL SANTOS CITY, Philippines — Agad na isinailalim sa disinfection at sanitization ang tanggapan ng Police Station 2 ng General Santos City Police Office matapos magpositibo sa coronavirus disease (COVID-19) ang 20 detainees, iniulat kahapon.
Ayon kay Police Colonel Gilberto Tuzon, direktor ng GSCPO, kasalukuyang nasa isolation facilities na ang nabanggit na mga detainees at ang 5 pang preso na direct contacts ng mga ito habang binabantayan naman ng pulisya ang perimiter ng pasilidad upang maiwasan ang pagtakas ng mga ito.
Aniya, inaalam pa ng pulisya sa tulong ng local health authorities kung saan nagsimula ang pagkalat ng virus sa naturang presinto.
Maliban sa mga preso, may ilang tauhan din ng GSCPO ang kasalukuyang naka-isolate matapos magpositibo sa COVID-19.
- Latest
