2 rider tepok sa pag-overtake
MANILA, Philippines — Patay ang dalawang motorcycle rider sa magkahiwalay na aksidente sa lalawigan ng Albay at Quezon.
Sa Daraga,Albay, namatay noon din si Jessie Payatag Mabelin, 46, ng Brgy. Kimantong habang isinugod sa Bicol Regional Training and Teaching Hospital ang angkas na si Jaspal Singh Gill, 28-anyos,ng Our Lady’s Village,Brgy.Bitano, Legazpi City.
Sa ulat, alas-7:10 ng umaga ay magkasunod na binabagtas ng XRM-motorcycle ng mga biktima at trailer truck na minamaneho ni Roman Basangan Cativo, 48, ng Peñaranda Street, Brgy.Bonot,Legazpi City ang kahabaan ng highway nang ito ay mag-overtake sa sinusundang truck at sumemplang at magulungan ng 24-wheeler trailer truck na naging dahilan ng kanyang kamatayan.
Sa bayan ng Calauag, Quezon ay hindi na umabot ng buhay sa ospital ang 18-anyos na si Jhyds Rotas,ng Barangay Sta.Milagrosa nang bumangga ang minamanehong motorsiklo sa kasalubong na L300 van na minamaneho ni Eric Bagayawa ng Taguig City sa Maharlika Highway,Barangay Sumilang, ng bayang ito, kamakalawa ng alas-10:00 ng gabi.
Tumilapon ang biktima buhat sa kanyang motorsiklo at una ang ulong bumagsak sa kalye na isinugod sa St.Peter General Hospital,subalit nalagutan na ng hininga sa daan pa lamang.
- Latest
