Alert level 2 sa Taal Volcano, nananatili
51 pagyanig sa loob ng 24-oras
MANILA, Philippines — Nananatili pa rin ang alert level 2 status sa Taal Volcano matapos na makapagtala ang Department of Science and Technology-Philippine Institute of Volcanology and Seismology (DOST-Phivolcs) ng kabuuang 51 volcanic earthquakes, sa loob lamang ng nakalipas na 24-oras.
Ayon sa DOST-PHIVOLCS, kabilang sa naitala ang 43 volcanic tremor na tumagal ng isa hanggang 17 minuto, walong low frequency volcanic earthquakes, at low-level background tremor na naitala simula ng pa 9:05 AM noong Abril 8.
Nagkaroon din umani ng mahinang pagsingaw, na may taas na limang metro, mula sa mga fumaroles o gas vents sa Main Crater ng bulkan.
“Ang pagbuga ng sulfur dioxide o SO2 ay humigit-kumulang 1097 tonelada kada araw noong ika-17 ng Abril, 2021,” anang DOST-Phivolcs.
Huli anilang nasukat sa lawa ng main crater ang mataas na temperatura na 71.8ºC noong Marso 4, 2021 at acidity na may pH 1.59 noong Pebrero 12, 2021 naman.
Dahil dito, ipinagbabawal ang pagpasok ng sinuman sa TVI, na siyang Permanent Danger Zone (PDZ) ng Bulkang Taal, lalung-lalo na sa may gawi ng Main Crater at ng Daang Kastila fissure, at ang paninirahan at pamamangka sa lawa ng Taal.
- Latest
