DPWH-Bataan isinara sa disinfection
BATAAN, Philippines — Pansamantalang isinara ng Department of Public Works and Highways (DPWH) Bataan-1st District ang kanilang tanggapan para sa isinasagawang disinfection kontra COVID-19.
Ayon sa anunsyo ng Kagawaran, 3-araw na sarado ang kanilang tanggapan na nagsimula kamakalawa habang ang kanilang Planning and Design Section ay sarado hanggang sa April 23.
Paliwanag ng DPWH Bataan, ang naturang hakbang ay upang maiwasan ang pagkakaroon ng virus sa kanilang workplace at maging ligtas ang kanilang mga empleyado sa panganib na dala ng COVID-19.
Sa kabila nito, tiniyak naman ng nasabing tanggapan na nagpatupad sila ng skeletal work force upang mabigyang daan ang transaksyon na kailangang bigyan ng prayoridad.
Magbabalik operasyon naman ang nasabing tanggapan sa April 15 habang sa April 26 naman ang Planning and Design Section.
- Latest
