Truck helper nasakote sa P.4 milyong shabu
LUCENA CITY, Philippines — Kulungan ang binagsakan ng isang pahinante ng trak makaraang makumpiskahan ng hinihinalang shabu na nagkakahalaga ng mahigit sa P400,000.00 sa anti drug operation na isinagawa ng joint operatives ng Quezon at Lucena PNP Drug Enforcement Unit sa Purok Central, Barangay Ibabang Dupay, nitong Biyernes Santo.
Kinilala ni Quezon PNP Provincial Director (QPPO) PCol. Ericson Dilag ang naarestong suspek na si Adonis Alay, 48, may-live in partner at residente sa nabanggit na lugar.
Ayon sa ulat, dakong alas-3:30 ng hapon nang isagawa ng mga otoridad ang buy bust operation sa suspek.
Nakuha buhat sa pag-iingat nito ang apat na plastic sachet ng hinihinalang shabu na tumitimbang ng 20.2 gramo na nagkakahalaga ng P412,080.00, isang pirasong genuine P500 marked money, tatlong bogus P500, at tatlong bogus P1,000.
Nakapiit na sa lock up jail ang suspek at sinampahan ng kasong paglabag sa Section 5 at 11 ng RA 9165.
- Latest