Nakakasirang karbon pinatitigil ng mga lider ng simbahan
MANILA, Philippines — Muling iginiit na tuldukan na ang patuloy na pagtatayo at paggamit ng nakasisirang ‘coal’ o karbon bilang enerhiya sa bansa.
Ito ang panawagan ng mga lider ng Simbahan at kabataan sa bayan ng Atimonan sa lalawigan ng Quezon.
Ang panawagan ay isinagawa sa online devotion session nitong Holy Week na tinawag na ‘Daan ng Krus tungo sa Pagbabagong Ekolohikal (Way of the Cross towards Ecological Conversion) ng Our Lady of Angels Parish sa Atimonan, na inspirasyon sa 2019 Pastoral Letter on Ecology ng Catholic Bishops’ Conference of the Philippines at Pope Francis’s encyclical Laudato Si’.
Sa pahayag ni Monsignor Noel Villareal of the Our Lady of Angels Parish muling iginiit na tuldukan na ang pagtatayo at pagpopondo sa mga proyektong ‘coal plants’ dahil sa panganib nitong malilikha sa climate change, at masamang impak sa kapaligiran, lalo na sa kalusugan ng sambayanan.
Ang preserbasyon aniya ng ‘natural world’ at proteksyon sa karapatan ng sambayanan, maging sa mga bagong henerasyon na mamuhay sa malinis na kapaligiran ay bahagi at parsela ng kanilang tungkulin bilang katiwala ng Paglikha at Lumikha.
- Latest
