12 ‘turista’ inaresto: 1 nagpositibo sa COVID-19
Habang namamasyal sa Mt. Tapulao
PALAUIG, Zambales, Philippines — Kalaboso ang 12 katao na namamasyal sa Mount Tapulao at hinihinalang nagtataglay ng coronavirus disease (COVID-19) matapos arestuhin ng pulisya dahil sa paglabag sa ipinatutupad na Inter-Agency Task Force guidelines at local ordinance sa bayang ito kamakalawa.
Ayon kay Col. Romano Cardiño, acting director ng Zambales Police Provincial Office nakatanggap sila ng impormasyon mula sa mga concerned citizen na mayroong 12 katao na namamasyal sa Mt. Tapulaom na kilalang magandang lugar na inaakyat ng mga mountain hikers sa nasabing bayan.
Nang respondehan ng mga pulis, napag-alaman na mula sa kalapit na probinsya ang nasabing grupo na lulan ng kulay metallic gray na Nissan Grandia (NDJ-4607) at walang maipakitang kaukulang dokumento para sa ipinatutupad na health protocol sa nasabing lugar.
Isa umano sa mga bumibisita sa naturang lugar ang isinailalim sa swab test at nang lumabas ang resulta ay nagpositibo sa COVID-19 dahilan upang i-quarantine ang 11 pa nitong kasamahan.
“Time and again, I appeal to the public to stay at home if there is no need to go outside. Your police are duty bound to enforce the law and we will not hesitate to arrest those who break the law,” babala naman ni Regional Police Office director P/Brig. Gen. Valeriano De Leon.
- Latest