72-anyos biyuda patay sa pickup

MULANAY, Quezon, Philippines — Hindi na umabot pang buhay sa ospital ang isang 72-anyos na biyudang lola makaraang mabangga at masagasaan ng pickup truck sa national road na sakop ng Barangay Sta. Rosa sa bayang ito, kamakalawa ng gabi.

Ang biktima na nagtamo ng grabeng pinsala sa ulo at iba’t ibang parte ng katawan ay kinilalang si Salvation Magpantay habang nasa kustodya na ng pulisya ang nakabanggang driver na si Marlon Abayon, 38, ng Gumaca, Quezon. Ayon sa pulisya, alas-7:30 ng gabi habang minamaneho ng suspek ang isang Toyota Hilux pickup patungo sa Gumaca, ­Quezon nang hindi nito mapansin ang pagtawid ng lola sa highway.

Hindi na nakapagpreno ang suspek at natumbok ang biktima na tumilapon ng may limang metro saka pa nasagasaan na sanhi ng kanyang kamatayan.