Bangkay lumutang sa dagat ng Zambales

CABANGAN, Zambales, Philippines — Isang bangkay ng lalaki ang natagpuan ng mga namamalakaya na palutang-lutang na may apat na milya sa karagatan ng bayang ito kamakalawa.

Patuloy pang inaalam ng Cabangan Municipal Police Station ang pagkakakilanlan ng biktima na nakasuot ng kulay pulang t-shirt, asul na maong na short,  itim na sinturon at tinatayang nasa 5’3” ang taas at katamtaman ang pangangatawan.

Nasa stage of decomposition na umano ang bangkay nang madiskubre ng mga namamalakaya sa karagatan na sakop Barangay Filmida Diaz, Cabangan, Zambales 

Nakalagak ang bangkay ng biktima sa St. Matthew Funeral Homes, sa Cabangan, Zambales para isailalim sa awtopsiya upang mabatid ang sanhi ng pagkamatay nito.