18 BIFF at Dawlah-Islamiya dedo sa engkuwentro
MAGUINDANAO, Philippines — Umakyat na sa 18 kasapi ng Bangsamoro Islamic Freedom Fighters (BIFF) at Dawlah-Islamiya (DI) ang nasawi sa mga sagupaan sa ilang lugar sa lalawigang ito.
Ayon kay Lt. Col. John Paul Baldomar, ang tagapagsalita ng 6th Infantry Division na nagsimula ang bakbakan sa Barangay Kitango sa bayan ng Datu Saudi Ampatuan matapos na tangkain atakihin ng mga miyembro ng BIFF-Karialan Faction at DI-Turaife Group ang Joint Peace and Security Team (JPST) outpost na pinangangasiwaan ng MILF, Philippine Army at Philippine National Police noong Marso 17, 2021 at nagkaroon ng mga panaka-nakang putukan na nagresulta sa pagkasawi ng 18na mga ekstremistang grupo at 25 ang sugatan habang tatlong sundalo naman ang slightly wounded.
Narekober naman ng tropa militar ang pitong mga improvised explosive devices (IEDs), dalawang firearms, mga uniporme at mga war materials.
- Latest