Mag-asawang ‘tulak’ timbog sa raid
BULA, Camarines Sur, Philippines — Kalaboso ang isang mag-asawa na pareho umanong notoryus na tulak ng droga nang masamsaman ng shabu sa search warrant operation ng mga pulis sa kanilang bahay sa Zone-4, Brgy. Balaogan ng bayang ito kamakalawa ng umaga.
Kinilala ang mga suspek na si Melencio Dollizon Jr., 55-anyos at misis nitong si Gina, 45.
Sa ulat, dakong alas-7 ng umaga sa bisa ng search warrant na inilabas ni Judge Renato Marpuri ng MTC-Bula ay sinalakay ng mga operatiba mula sa Regional Mobile Force Batallion 5 at Bula Police ang bahay ng mag-asawa.
Sa paghahalughog, nakuha pa sa bahay ng mag-asawa ang 10 sachet ng shabu at mga drug paraphernalia.
- Latest