Drug suspect inutas ng 2 naka-face mask

TUGUEGARAO CITY, Cagayan, Philippines — Patay ang isang 33-anyos na drug suspect na dating sumuko sa mga awtoridad nang ratratin ng dalawang berdugo sa labas ng bahay ng kanyang tiyuhin sa Brgy. Sapriana, Sinait, Ilocos Sur kama­kalawa. 

Kinilala ng awtoridad ang napatay na si Jay-ar Salcedo na sumawsaw sa Oplan Tokhang noong 2016.

Ayon sa report, nakaupo sa labas ng bahay si Salcedo nang lapitan ng mga killers na nakasuot ng face mask at face shield saka pinagba­baril dakong hatinggabi. 

Sinikap isugod ng mga sumaklolo ang biktima sa Ilocos Sur Provincial Hospital kung saan siya namatay habang ginagamot. 

Patuloy na sinisiyasat ng mga imbestigador ang kaso kung may kinalaman ito sa droga.