Rider lasog, angkas sugatan
DARAGA, Albay, Philippines — Nagkalasug-lasog ang katawan ng isang 52-anyos na rider habang sugatan ang kanyang asawang angkas at isa pang rider ng motorsiklo matapos na magbanggaan sa kahabaan ng Maharlika Highway ng Purok-6, Brgy.Anislag ng bayang ito kamakalawa ng gabi.
Isinugod pa sa Bicol Regional Training and Teaching Hospital sa Legazpi City pero idineklarang dead-on-arrival ang biktimang si Ponciano Millena Astillero habang sugatan ang asawang angkas na si Nieves, 50-anyos, residente ng Purok-2, Brgy. Mayon at ang kabanggaang si Willy Quiam Recoña, 29-anyos, residente ng Purok-2, Brgy.Maopi.
Sa ulat, dakong alas-8:45 ng gabi magkasalubong na binabagtas ng motorsiklo ni Astillero at Recoña ang highway nang subukang mag-overtake ng huli sa sinusundang tricycle.
Gayunman, hindi nakita ni Recoña ang kasalubong na motorsiklo ng mag-asawang Astillero kaya malakas na nagbanggaan ito.Duguang isinugod ng mga rumesponde an tatlo sa pagamutan pero hindi na umabot nang buhay ang biktima.
- Latest
