Pagturok ng Sinovac vaccine sinimulan na sa Olongapo
OLONGAPO CITY, Philippines — Umarangkada na rin ang pagbibigay ng first dose ng Sinovac vaccine para sa mga medical workers ng James L. Gordon Memorial Hospital (JLGMH) sa lungsod na ito kahapon ng umaga.
Si JLGMH Chief of Hospital Dr. Jewel Manuel ang kauna-unahang recipient ng Sinovac vaccine, pumangalawa si Councilor Dr. Lugie Lipumano Garcia na sinundan ng mga hospital officials.
Wala namang insidenteng naitala sa pagpapatuloy ng vaccination program kung saan ay inaasahan na nasa 100 medical workers ang nakalinya na bibigyan ng first dose ng bakuna kahapon.
Ang naturang vaccines ay mula sa 538 doses na natanggap ng lungsod mula sa national government na dumating kamakalawa ng hapon.
Samantala, ngayong Lunes ay sisimulan ng Pamahalaang Panlalawigan ng Bataan ang pagbibigay ng bakuna sa kanilang mga medical workers sa Bataan General Hospital and Medical Center (BGHMC). Ang natanggap na 417 doses ng Sinovac vaccines kahapon ng umaga ay bahagi lamang umano ng kabuuang 2,680 na bakunang nakalaan para sa buong lalawigan mula sa national goverment.
- Latest
