Preso na COVID-19 suspect pumuga sa isolation facility
IROSIN, Sorsogon , Philippines — Tinutugis na ng pulisya ang isang 55-anyos na preso na inakusahang rapist at hinihinalang nagtataglay ng virus, matapos na tumakas sa COVID-19 quarantine facility sa isang piitan sa bayang ito kamakalawa ng umaga.
Kinilala ang pumugang bilanggo na si Fernando Ducay Mercader ng Brgy. Macawayan at may kinakaharap na kasong 6-counts of rape in relation to Republic Act 7610.
Sa ulat, dakong alas-8:40 ng umaga nang madiskubre ng roving guard ang pagkawala ni Mercader sa isolation facility ng mga preso na hinihinalang may COVID-19 sa ikalawang palapag ng gusali sa tabi ng Irosin Municipal Police Station sa Poblacion.
Pinaniniwalaang sinamantala ni Mercader na tumakas habang nasa isolation room at walang mahigpit na bantay.
Si Mercader at tatlong iba pang preso ay inilagak sa isolation facility matapos na isa sa kanilang kasamahang preso ang nagpositibo sa COVID matapos ang ginawang RT-PCR swab test.
- Latest