73 preso, 4 kawani may COVID-19 sa Benguet jail
TUGUEGARAO CITY, Cagayan , Philippines — Nagpositibo sa COVID-19 ang 73 na bilanggo at apat na kawani ng Provincial Jail sa La Trinidad, Benguet kamakalawa.
Ayon kay La Trinidad Mayor Romeo Salda, nakumpirma na tinamaan ng COVID-19 ang mga bilanggo at kawani kasunod ng isinagawang mass testing sa bilangguan noong Pebrero 26 matapos magpositibo sa virus ang isang kawani ng nasabing jail noong Pebrero 23.
Dahil sa pangyayari, isinailalim sa lockdown ang bilangguan upang bigyang daan ang disinfection doon at pagsasagawa ng malawakang contact tracing.
Sa pinakahuling tala ng Provincial Health Office, ang La Trinidad ay may 1,618 na kumpirmadong kaso ng COVID-19, 161 ang aktibo at 33 katao na ang nasawi.
- Latest